सकारात्मक प्रतिक्रिकासाथ चलचित्र ‘रावायण’लाई लिएर हलमा पुजा र पलकाे बढ्दाे क्रेज

काठमाडौं-  शुक्रवारदेखि प्रदर्शनमा आएको चलचित्र ‘रावायण’ ले प्रदर्शनको पहिलो दिन आक्रामक ओपनिङ गरेको छ ।

देशभरिका चलचित्र हलहरुमा प्रदर्शन भइरहेको रावायण हेर्न शुक्रवार दर्शकको ठूलो संख्या उपस्थित भएको  निर्माण टिमले जानकारी दिएको छ । 

काठमाडौंसहित देशका प्रायः सबै चलचित्र हलमा शुक्रवार बिहानैदेखि दर्शकको उपस्थिति बाक्लो देखिएको थियो । फिल्ममा मुख्य कलाकारहरु पल शाह, पूजा शर्मा सहितको समुह शुक्रवार काठमाडौंका विभिन्न सिनेमा हलमा पुग्दा दर्शकको ठूलो समुहले भव्य स्वागत गरेको थियो ।

रिलिजको पहिलो र दोश्रो दिन पल र पुजाका फ्यानले सिनेमा हलमा बलियो उपस्थिति जनाउँदै आएका छन् । रावायणमा पनि त्यो क्रेज दोहोरिएको छ ।

अभिनेत्री पूजा शर्माद्वारा निर्मित यो फिल्ममा अभिनेता पल शाहले दोहोरो भूमिका निर्वाह गरेका छन् । पूजा भने पत्रकारको भूमिकामा छिन् ।

चलिचत्रमा पल र पूजाको साथमा प्रियंका कार्की, प्रकाश शाह, प्रमोद अग्रहरी लगायतका कलाकारको अभिनय रहेको छ । आज शनिवार अर्थात सार्वजिक विदाको दिन बिहानैदेखि सिनेमा हलमा ‘रावायण’ हेर्ने दर्शकको संख्या बाक्लिँदै गएको‌  र चलचित्रले सुखद व्यापारकाे संकेत गरेकाे पनि निर्माण पक्षले जनाएको छ ।

भिडियोपनि हेर्नहोस्