नेप्से परिसूचक २१.१६ अंकले गिरावट

काठमाडाै‌ । पछिल्लो समय नेप्से परिसूचकमा निरन्तर रुपमा गिरावट आएको छ ।

सोमवार भएको कारोबारमा ४.२९ अंक घटेर बन्द भएको नेप्से मंगलवार २१.१६ अंक घटेर १९५१.८४ विन्दुमा झरेको छ । त्यस्तै, सेन्सेटिभ इण्डेक्स ३.८९ अंक घटेको छ भने फ्लोट इण्डेक्स १.५१ अंक र सेन्सेटिभ फ्लोट इण्डेक्स १.४१ अंक घटेको छ । मंगलवार कारोबारमा आएका २२७ कम्पनीको ३२ लाख ९ हजार कित्ता शेयर १ अर्ब १९ करोड ७ लाख ६५ हजार रुपैयाँ बराबरको खरिदबिक्री भएको छ। 

 नेप्से परिसूचक घटे पनि कारोबारमा भने सामान्य सुधार भएको छ । सोमवार ९० करोड ९९ लाखको मात्रै कारोबार भएको थियो । नेप्सेका १३ उपसमूहमध्ये एक उपसमूहको परिसूचक बढ्दा बाँकी १२ उपसमूहको परिसूचक घटेको छ । जसमा म्युचुअल फण्ड उपसमूहको परिसूचक ०.४० प्रतिशत बढेको छ ।

बाँकी स वित्त उपसमूहको परिसूचक २.१२ प्रतिशत र जलविद्युत उपसमूहको परिसूचक २.०५ प्रतिशतले घटेको छ । मंगलबार उन्नती सहकार्य लघुवित्त वित्तीय संस्था लिमिटेडको शेयरमूल्य करिब १० प्रतिशत बढेको छ । सानिमा माइ हाइड्रोपावरको शेयरमूल्य ७.३२ प्रतिशत घटेको छ । हिमालयन एभरेष्ट इन्स्योरेन्सको शेयरमूल्य ६ प्रतिशत घटेको छ । मंगलवार हिमालयन एभरेष्ट इन्स्योरेन्सको ९ करोड १४ लाख रुपैयाँ बराबरको शेयर खरिदबिक्री भएको छ ।