जेल सजाय भाेगिरहेका पललाई लिएर फिल्म ‘ओ सजन’ बन्दै !

काठमाडाैं -  जेल सजाय भुक्तान गरिरहेका  अभिनेता पल शाहलाई लिएर चलचित्र ‘ओ सजन’ बन्ने भएको छ ।

नवलपुर अदालतले साढे २ वर्षको कैद सजाय सुनाएका शाहलाई लिएर ‘ओ सजन’ निर्माण गर्न चलचित्र विकास बोर्डबाट अनुमति लिइएको छ ।

उनीसँगै कविता राय र आरएल लामा पनि अनुबन्ध भएको बताइएकाे छ । चलचित्र कविता रायले नै निर्माण गर्न लागेकाे बुझिएको छ ।

यता तनहुँ जिल्ला अदालतको फैसला सुनाउन बाँकी रहेकै अवस्थामा पलले भने उच्च अदालत पोखरामा पुनरावेदन दिएका छन् ।

निर्माताले शाह जेलमा रहेको अवस्थामा नै उनलाई मुख्य भूमिकामा लिएर चलचित्र बनाउन अनुमति लिएका हुन् ।