अपि पावरले ७.५% बोनस सेयरपछि ४०% हकप्रद सेयर बिक्री गर्ने

काठमाडौं - अपि पावर कम्पनीले ४०% हकप्रद सेयर बिक्री गर्ने भएको छ ।

कम्पनीले विद्युत नियमन आयोगबाट अनुमति पाएपछि ७.५% बोनस सेयरपछि कायम हुने ४ अर्ब १३ करोड ३२ लाख ८४ हजार २११ रुपैयाँ चुक्ता पुँजीमा ४०% (१ः०.४० अनुपात) हकप्रद सेयर बिक्री गर्ने जानकारी गराएको हो । आयोगले स्वीकृति दिएमा उक्त हकप्रद प्रस्ताव आगामी वार्षिक साधारण सभामा पेश हुनेछ ।

सभाबाट अनुमोदन भएपछि नेपाल धितोपत्र बोर्डमा स्वीकृतिका लागि पेश गरिने अपिले जानकारी गराएको छ । कम्पनीले विद्युत उत्पादन गरिरहेका ४ वटा विभिन्न परियोजनाको ऋणमोचन गर्ने उद्देश्यले हकप्रद सेयर बिक्री गर्न लागेको होे ।