बुद्ध एयरमा समस्या देखिएपछि बिचबाटोबाटै फर्कियो

काठमाडौं - काठमाडौंबाट सुर्खेतका लागि उडेको बुद्ध एयरको जहाजमा समस्या देखिएपछि बिचबाटोबाटै फर्किएको छ।

बुद्ध एयरको यु ४१३३ जहाजको इन्डिकेटरमा समस्या आएपछि सिमराको आकाशबाट फर्काइएको बुद्ध एयरले जनाएको छ। जहाज स-कुशल त्रिभुवन अन्तर्राष्ट्रिय विमानस्थलमा ल्याण्ड भएको छ।

बुद्ध एयरले जहाजको सुरक्षित अवतरणपछि प्राविधिक टोलीले जाँच गरिरहेको र ६२ जना यात्रुलाई अर्को जहाजमार्फत सुरक्षित गन्तब्यमा पठाउने जानकारी दिएको छ।