सदस्यता खारेज भएपछि संसद् भवन पुगे राहुल गान्धी

एजेन्सी - बुधवार दिउँसो कांग्रेस नेता राहुल गान्धी संसद् भवन पुगेका छन् ।

संसद्को सदस्यता खारेज भएपछि राहुल गान्धी पहिलो पटक संसद् भवनमा प्रवेश गरेका हुन् । राहुल गान्धीको संसद् सदस्यता केही दिनअघि खारेज भएको थियो ।

सूरतको एक अदालतले राहुल गान्धीलाई दुई वर्षको जेल सजाय सुनाएपछि सदस्यता खारेज गरेको थियो । मोदी उपनामको बयानका लागि राहुल गान्धी विरुद्ध आपराधिक मानहानिको मुद्दा दर्ता गरिएको थियो ।

यस मामिलामा अदालतले आफ्नो फैसला सुनाउँदै राहुल गान्धीलाई दोषी ठहर गरेको थियो ।