फिल्म निर्देशक सुदर्शन थापा पक्राउ

काठमाडौँ -फिल्म निर्देशक सुदर्शन थापा पक्राउ परेका छन् ।

सोमबार दिउँसो माली गाउँ प्रहरीले पक्राउ गरेर प्रहरी वृत्त बौद्धमा पठाएको प्रहरीले जनाएको छ । फिल्म ‘ प्रसाद २’ विवादको मुद्दामा उनलाई पक्राउ गरिएको प्रहरीले जनाएको छ ।

उनलाई बालुवाटारको रोयल अम्पायर होटेल परिसरबाट पक्राउ गरिएको जनाइएको छ, जहाँ उनी निर्देशित फिल्म ‘रामायण’को दोस्रो चरणको छायाङ्कन सुरु हुने क्रममा थियो ।आफूहरूको मन्जुरीबिना फिल्मलाई देश तथा विदेशमा प्रदर्शन गरेर एक करोड ५० रुपैयाँ ठगी गरेको भन्दै निर्माता सुदर्शन बस्नेत र ज्याक श्रेष्ठले गत साउन १० गते जिल्ला प्रहरी परिसर, काठमाडौँमा ठगी तथा आपराधिक विश्वासघातको जाहेरी दिएका थिए । थापा प्रसाद २ का निर्देशक पनि हुन् ।

आजदेखि सुरु हुन लागेको उनी निर्देशित ‘रामायण’को दोस्रो चरणको छायाङ्कनअघि प्रहरीले उनलाई पक्राउ गरेको हो । निर्देशक थापा पक्राउपछि फिल्मको छायाङ्कन रोकिएको छ ।