क्यान्सरसँग लड्दै कलाकारितामा फर्किए घनश्याम गौतम 'नक्कली प्रचण्ड'

काठमाडौं-  लामो समयदेखि क्यान्सरसँग जुधिरहेका लोकप्रिय कलाकार घनश्याम गौतम 'नक्कली प्रचण्ड' पुन: कर्ममा फर्किएका छन् ।

अघिल्लो वर्षको गाईजात्रा आउनुभन्दा केहीअघि बाट स्वास्थ्य बिग्रिएर उपचारमा रहेका गौतम पुन: कर्ममा फर्किएका हुन् । 

ठूलो आन्द्राको क्यान्सर भएको पुष्टि भएसँगै उपचारका लागि भारतको नयाँ दिल्लीसम्म पुगेर स्वास्थ्य उपचार  लिइरहेका गौतम हाल भने आत्मविश्वासका साथ कर्ममा फर्किएका छन्। यद्यपी उनले भक्तपुर क्यान्सर अस्पतालमा आफ्नो उपचारलाई पनि निरन्तरता दिइरहेका छन् । 

हाल ‘मैँ चेली खुशी छैन बरिलै’ बोलको गीत कलाकार गौतमकै शब्द तथा संगीतमा तयार भएको र उनकै स्वरमा रेकर्डिङसमेत गरिएको छ । गौतमलाई गायिका राधिका हमालले स्वरमा साथ दिएकी छन् ।

 ‍कलाकार गौतमले शुक्रबार गीतको  भिडियोपनि छायांकन सकेका छन् । केहि दिनमै उक्त गीत बजारमा ल्याउने पनि कलाकार गौतमले जानकारी दिए ।