सात प्रदेशमा सात विशिष्ट आर्थिक केन्द्र हुने

काठमाडौँ -सरकारले प्रदेशलाई विशिष्ट कृत आर्थिक केन्द्रको रूपमा विकास गर्ने भएको छ ।

मङ्गलवार सङ्घीय संसद्को दुवै सदनको संयुक्त बैठकमा आर्थिक वर्ष २०८१\०८२ को बजेट प्रस्तुत गर्दै अर्थमन्त्री वर्षमान पुनले प्रदेशलाई विशिष्ट कृत आर्थिक केन्द्रको रूपमा विकास गरिने बताएका हुन् ।  उनले यस अनुसार कोसीलाई उद्योग, मधेसलाई कृषि, बागमतीलाई सू चना प्रविधि, गण्डकीलाई पर्यटन, लुम्बिनीलाई साना तथा मझौला उद्यम, कर्णालीलाई जडीबुटी र सुदूरपश्चिमलाई धार्मिक पर्यटन आर्थिक हब बनाइने बताए ।

यस्तै, स्थानीय पूर्वाधार विकास, सार्वजनिक, निजी साझेदारीमा वृहत् स्तरका कृषि फर्म सञ्चालन, एक गाउँ एक उत्पादन, पर्यटन लगायतका कार्यक्रमबाट स्थानीय स्तरमा आय–आर्जन वृद्धि गर्ने कार्यलाई तीव्रता दिइने समेत बजेट वक्तव्यमा उल्लेख गरिएको छ ।